كولاجين 2 Type II افضل نوع من الكولاجين لدعم صحة المفاصل و الاربطة وده لانه بيستخرج اساسا من العظام و المفاصل، عكس الكولاجين 1و3 واللي بيكون تركيزه اكتر على الجلد والشعر، فلو هدفنا من الرئيسي من استخدام الكولاجين هو تقوية المفاصل و الاربطة وتخفيف الالتهابات يبقى يفضل اننا نختار كولاجين 2

الكولاجين عموما واحد من اهم انواع البروتينات الموجودة في الجسم و بيساعد في شكل كبير في الحفاظ على صحة البشرة وتقليل التجاعيد و تقوية الاظافر وبناء الغضاريف والاربطة، بالاضافة لدوره في تقوية بصيلات الشعر.

فوائد استخدام كولاجين 2 :
– تحسين صحة المفاصل و الاربطة
– زيادة ليونة المفاصل وتخفيف التهابها
– تقوية الاوتار و تخفيف التهابها
– المساعدة في علاج خشونة الركبة
– تقوية الاظافر
– تقوية العظام
– تقليل وتأخير اثار الشيخوخة و التقدم في العمر
– تقليل التجاعيد وتحسين صحة وحيوية الجلد
– اعادة بناء خلايا الجلد والمساعدة في ازالة اثار الجروح و الحروق
– معالجة الهالات السوداء تحت العينين
– تقوية عضلات الجسم

كولاجين 2 من افضل المكملات لتقوية وعلاج مشاكل المفاصل و الاربطة و الاوتار وهيدعم صحتهم بحيث يكونوا اقوى واكتر ليونة و هيساعد في تخفيف الالتهابات اللي بتحصل في المناطق دي
وعشان كده بنلاقيه برضه موجود في كتير من مكملات الجوينت المعروفة زي Move Free واللي بيعتمد بشكل اساسي على كولاجين 2 بالاضافة للبورون.

وزي ماقولنا لو الهدف الرئيسي من استخدام الكولاجين هو المفاصل و الاربطة يبقى نختار كولاجين 2 بس ده برضه مش معناه ان كولاجين 1&3 مش هيدعم صحة المفاصل او العكس لكن تأثيرة او قوته الكبيرة بتكون للمفاصل اكتر من البشرة و نفس الكلام لكولاجين 1&3 بيكون تأثيره اكبر على البشرة من المفاصل لكن النوعين ليهم تأثير ايجابي سواء للمفاصل او البشرة

مصدر الكولاجين حيواني من عظام القفص الصدري للفراخ Chicken Sternum
غني بالجلوكوزامين و الكوندروتن

منتج امريكي 100% انتاج شركة جارو Jarrow Formulas

الحجم: 60 كبسولة – 30 جرعة
تركيز الجرعة: 1000 مجم